سلام عليكم
للبنات فقط؟؟
عزيزتي البنت ..كيف حالك؟
إذا كان قلبك محتر من أخوك وحارق قلبك حراق...إليك هذه الوسائل التي
تجعله يقول لك:- (سمعا وطاعه مولاتي)<<<مستحيل يقولها بس نحاول ههه
-إذا طلبتي من أخوك يوديك السوق ورفض..لاتغضبي او تتسرعي بردك الغاضب
بل ابتسمي بوجهه وقولي له:- جزاك الله خير<<<طبعا مع حقدمخفي بالقلب
وبعد مايطلع اخوك من البيت...روحي لغرفتك وسلي نفسك بأي شيء بس اهم شيء
لاتزعلي من رفض اخوك لان الموضوع ماراح يعدي بالسهوله له.....
إليك وسائل الغضب والانتقام(ارجوا تطبيقها مرتين بالاسبوع فقط):-
1-دوري على افضل عطر يستخدمه أخوك إذا جاء يطلع برا البيت...افتحي الغطاء واسكبي<<اموت عاللغه الفصحى
اسكبي العطر في اقرب بلاعه وحطي مكان العطر زيت عافيه مخلوطه بكلوريكس مع وضع الورائح الجميله
بداخله كي لايشك بالموضوع وبعد ذلك رديه مكانه<<<أفلقيني إذا اخوك طلع من البيت.
2-إذا كان اخوك من الناس اللي دايم يلعبون كره العصر أخذي كنادره(وانتو بكرامه) وناظريهن بعين الحقد
وبعد ماتخلصين المناظر روحي دوري لك علك غندور او لبان المهم علك واعلكي الين يصير ليّن وبعد ذلك
حطي العلك عالكندره من اولها الين اخرها<<<قمه القرف هههه
3-ركزي على الفوطه اللي دايم ينشف شعره وجسمه فيها اخوك لاخلص من التروش....روحي لغرفته طبعا
من غير مايحس<<صيري كاسبر لو مره بحياتك ههه
المهم بعد ماتدخلي غرفته وتاخذين الفوطه المفضله لشقيقك استخدمي الآتي:-
أ- رشي على الفوطه عصير نمل ميت<<ويع لوعت كبدي انا بنفسي هههه
ب-حطي على الفوطه بيضه نيه وخلطيها عالفوطه عشان لاخلص من التسبح يبي ينشف شعره
بكذا راح البيض يعطي مفعوله ويتجمد شعره...لإظهار البراءه والحنيه قدامه اعرضي عليه إنك تستشورين شعره
طبعا انتي حطي كمامات على خشمك عشان ماتذبحك الريحه<<مجرمة صح ههه
4-اذا نسى جواله بالبيت....اخذيه والعبي بالجوال الين تقول البطاريه(خلاص تعبت بنطفي اووف)
وتنطفي البطاريه..اخوك مستعجل يبي ياخذ جواله ويطلع بسرعه مع ربعه لااح يتضايق ويتأفأف
اوووه البطاريه فاضيه....اقترحي عليه انك تعطينه بطاريتك<<كرم واخلاق ياسلام
5-دخلي مره ثانيه غرفته بس خليك عاديه مو كاسبر هالمره عاديه..اخذي مفاتيح سيارته ..وضيعيها
بحيث لاانتي ولاهو يدرون عن مكان المفاتيح...واذا دخل غرفته وماحصل المفاتيح
اكيد بيجيك ويقولك ماشفتي مفاتيحي..قولي له مدري يمكن اخذهم اخوي الصغير وضيعهم طبعا اخوك صغير مره
ماراح يقدر يمد يده عليه او يكفخه....<<وانتي اضحكي بس انتبهي لايشوفك
وتواضعي وقومي دوري معاه المفتاح يعني روحي اماكن ماتخطر عالبال
مثل دوري داخل القدر اللي طابخين فيه...او داخل دله الشاي..المهم عقديه تعقد بالتدوير....الين يتصل على ربعه يجون ياخذونه من البيت
نصيحه:-
قبل لايطلع اعرضي عليه ها اخوي محتاج فلوس تبي ميه 300؟<<اغصبي نفسك عالكرم لو مره
أكيد هو بداخله يبي وبينزل راسه وبيرفض وبيصير ماله وجه لانه ماوداك السوق...
6-بعد
مايرجع من شلته بالليل بيدخل غرفته يبي ينام...سوي نفسك ماتدرين ورفسي
الباب بقووووه طبعا مع انوار الصاله مطفيه كلها<<صيري جنيه
طبعا هو راح يطلع من الخرعه وانتي بعد سوي نفسك ماتدرين وطلعي من غرفتك وقولي له وش صاير...
طبعا هو راح يقولك في واحد رفس الباب بقوه...طبعا انتي قولي بسم الله لايكون جني<<ادري انتي بتخافين اول اكثر منه بس صيري قويه
لادخل مره ثانيه بعد ربع ساعه سوي نفس الحركه اتحداه اذا تم بالغرفه راح يطلع..انتي من زود كرمك
قولي له رح نام بغرفتي انا بروح بجلس عالنت...<<اموت عالبراءه انا
وزيدي الكرم شوي وقولي له: اسوي لك عشاء خفيف(هو غصبا عليه بيقول ايه
وبيحن عليك حنيه مو طبيعيه)
** اكيد كسرتي خاطره وضميره يأنبه وراح يحس شوي.
** أول مايجي اليومـ الثاني تلقينه جالس بالصاله يستناك ها اختي اي سوق تبين اوديك اليوم..
يستاهلون الشباب اللي من الفئه هذي أنهم يتعذبون كذا ههههههههههه
تحياتي
